இந்தியன் பார்ட் 2 -- இயக்குனர் சங்கர்!!!

 நாட்டில் அண்ணா ஹசாரேவிற்கு கிடைத்த ஆதரவையும் வெற்றியையும் பார்த்து சில இனைய தளங்கள் மற்றும் வார இதழ்கள் அண்ணா ஹசாரேவை, "இந்தியன் தாத்தா" என வர்ணித்திருந்தனர். சுமார் 15 வருடங்களுக்கு முன்பு பிரமாண்ட சங்கர் இயக்கத்தில் கமல்ஹாசன் நடித்து வெளியான படம் இந்தியன் என்பது அனைவரும் அறிந்ததே. இயக்குனர் சங்கர் தற்போது விஜய், ஜீவா, ஸ்ரீகாந்த் மற்றும் சத்தியராஜ் ஆகியோர் நடிக்கும் நண்பன் படத்தின் இறுதி கட்ட படபிடிப்பில் உள்ளார். ஆகையால் நண்பன் படம் முடிந்தவுடன் இவர் இந்தியன் பார்ட் 2 இயக்க போவதாக கோடம்பாக்கத்தில் கிசுகிசுக்கப்படுகிறது.

இது பற்றி ஆனந்த விகடனில் பேட்டியளித்த இயக்குனர் சங்கர் கூறியதாவது,

''ஆமாங்க... அண்ணா ஹசாரேவை 'இந்தியன் தாத்தா’னு எழுதி இருந்தாங்க. சந்தோஷமா இருந்தது. அண்ணா ஹசாரே அலைக்குப் பின்னாடி 'இந்தியன் பார்ட் 2’ எடுக்கலாமேனு கேட்கிறாங்க. நானே அப்படி நினைச்சேன். இப்போ இன்னும் நல்லா இருக்கும்னு தோணுது. ரத்னம் சார் 'ஆரம்பிங்க’னு சொல்லிட்டே இருக்கார். 'நண்பன்’ ரிலீஸ் ஆகட்டும். சான்ஸ் எப்படின்னு பார்க்கலாம்!

இந்தியா எப்படி இருக்கணும்னு ஒவ்வொரு குடிமகனும் கண்ட கனவை அண்ணா நனவாக்கப் போராடுறார். அது அவரோட லட்சியமாக மட்டும் இருக்கக் கூடாது. நம்ம எல்லோருடையதாகவும் மாறணும். பக்கத்தில் இருக்கிற சிங்கப்பூர் சுபிட்சமா இருக்கும்போது... நாம ஏன் முயற்சிக்கக் கூடாது?''

இவ்வாறு அவர் குறிப்பிட்டுள்ளதால், இந்தியன் பார்ட் 2 வர வாய்ப்புள்ளதாக‌ தெரிகிறது.

Posted in: சினிமா,படங்கள்,பொழுதுபோக்கு