இந்த ஆண்டு மார்ச் மாதம் நிதி அமைச்சகத்திடம் இருந்து பிரதமர் அலுவலகத்துக்கு, 2ஜி ஸ்பெக்ட்ரம் ஊழலை அப்போது நிதி அமைச்சராக இருந்த சிதம்பரம் மனது வைத்திருந்தால் தடுத்திருக்க முடியும் என ஒரு கடிதம் எழுதப்பட்டுள்ளது. அந்த கடிதம் குறித்த தகவலை சுப்ரமணிய சுவாமி நீதிமன்றத்தில் அளித்துள்ளார். இதனால் பெரும் சர்ச்சை ஏற்பட்டுள்ளது. சிதம்பரம் ராஜினாமா செய்ய வேண்டும் என பலரும் வலியுறுத்தி வருகின்றனர். இதனிடையே பிரதமரைத் தொலைபேசியில் தொடர்புகொண்ட சிதம்பரம் ராஜினாமா செய்யத் தயாராக இருப்பதாக அவரிடம் கூறியுள்ளார்.
எனினும் சிதம்பரத்துக்கு பிரதமர் முழுமனதுடன் ஆதரவு தெரிவித்திருப்பதாக தகவல்கள் தெரிவிக்கின்றன. சிதம்பரம் நிதி அமைச்சராக இருந்தபோதும், தற்போது உள்துறை அமைச்சராக இருக்கும்போதும் என்னுடைய முழு நம்பிக்கையுடன் அவர் பணியாற்றி வருகிறார் என பிரதமர் மன்மோகன் சிங் தெரிவித்தார். மேலும் இந்த விவகாரத்தில் மூத்த அமைச்சர்களுக்கிடையில் எந்த வித மோதலும் இல்லை என்றும் அவர் தெளிவுபடுத்தினார்.
0 comments:
Post a Comment